| сустрэча ў ліфце |
[16 Dec 2009|08:21pm] |
**
Нафталінам пахне зімовы шынель генерала.
І гэта лепш, чым порахам.
**
|
|
| сёння |
[16 Dec 2009|07:48pm] |
**
МЕНСК. -20. РАНІЦА.
**
|
|
| лянота |
[16 Dec 2009|01:12pm] |
**
Калі прапаноў шмат, як апошнім часам, то я пачынаю пісаць доўгае апавяданне... Прапановы, пакуль апавяданне дапісваецца -- знікаюць.
Апавяданне застаецца.
**
|
|
| неба |
[16 Dec 2009|07:46am] |
**
Мастак паказаў
сто партрэтаў неба.
Я не здзівіўся.
**
|
|
| снежань |
[16 Dec 2009|07:34am] |
**
Запыліліся
цёмныя акуляры.
Хаваю ў шафу.
**
|
|
| СВЯТЫЯ |
[15 Dec 2009|04:07pm] |
**
Мой дзед Ладзімір -- свяцейшы за Папу Рымскага.
**
|
|
| цацкі дачкі |
[15 Dec 2009|09:46am] |
**
ВЕЧАР. КОНЬ І МЯДЗЬВЕДЗЬ З БАРСЫ.
...цацкі дачкі -- і мае цацкі...
**
|
|
| вуліцы і людзі |
[14 Dec 2009|08:03pm] |
**
Дэнатурат
Дэнатурат я не піў, але выгляд яго мне падабаўся заўсёды. Радасны анілінавы колер хваляваў. Адразу зразумела -- гарыць звонка-празрыстая смярдзючая вадкасць выдатна. А мужчыны пілі – бачыў на свае вочы. Моршчыліся, але каўталі і салам заядалі.
Яфіменкі жылі ў трэццім доме. Дзве дачкі, брат і бацькі. Старэйшы Яфіменка дробны і худы, а яго жонка мажная, у брудным сацінавым халаце з рукавамі закасанымі. Рукі, як ногі. Яна заўжды крычала на падлеткаў, каб да яе дачок не чапляліся. А да іх ні хто чапляцца і не збіраўся, бо дурніцы, як ёсць. У Яфіменак былі свінні ў дрывотні. Свінняў яны гадавалі, памыі са сталоўкі па Кастрычніцкай насілі ў тазах і вёдрах, расплёхвалі. Толькі бацька не насіў, бо здохлы. Ён другі год пакутваў на страўнік. Яму нават аперацыю рабіць адмовіліся. Каб не пакутваць далей Іван Яфіменка вырашыў скончыць жыццё самагубствам. Узяў літровую бутэльку дэнатурата і падняўся на гарышча. Там выпіў да апошняй кроплі і паваліўся тварам у птушынае лайно. Вечар і ноч на гарышчы ляжаў. Знайшла суседка, калі панесла бялізну вешаць. Крыку нарабіла, галубоў распалохала. Іван яшчэ не сканаў. Завезлі ў бальніцу. Праз тыдзень Івана выпісалі дамоў. Выпісалі, а ён не памірае. Месяц не памірае, другі не памірае… Усе чакаць перасталі. Іван схадзіў праверыцца, а яму дактары сказалі, што ён здаровы і вантробы, як новыя. На Каляды Яфіменкі адну свінню забілі, а пад Вялікдзень другую. Дактарам свежаніны занеслі.
Дэнатурат запаважалі не тоькі на Кастрычніцкай, але і на Школьнай, і на Пасялковай…
І я палец у бэзавую вадкасць памачыў і лізнуў.
Не спадабабаўся палец.
**
|
|
| марандзі |
[14 Dec 2009|05:18pm] |
**
Лепшыя нацюрморты Марандзі -- ціхія... Бо мастак дадумаўся маляваць пыл на рэчах. Маляваць пыл -- геніальна.
**
|
|
| цёмна |
[14 Dec 2009|03:44pm] |
**
Кажуць п’е, п’е, п’е…
А што такім надвор’ем
паэту рабіць?
**
|
|
| цацкі |
[14 Dec 2009|11:16am] |
**
ЗАЎСЁДЫ ГРЭЮЦЬ ДЗІЦЯЧЫЯ ЦАЦКІ.
**
|
|
| дом |
[14 Dec 2009|09:03am] |
**
КОТ І СОНЦА
**
|
|
| сёння |
[13 Dec 2009|09:24pm] |
**
Даўно хачу напісаць тэкст пра снягі…
Стаяў і глядзеў, як мужчына ў двары змятае снег са сваёй машыны. Змёў. Адкрыў дзвёрку і дапамог сесці жанчыне. На асфальце застаўся чорны прамакутнік. Нічога не адбылося звышрэальнага. Машына з’ехала. Праз гадзіну вернецца, але жанчына не выйдзе. За гадзіну прамакутнік на асфальце знікне, зробіцца белым. Мужчына закурыць. Пойдзе ў сваю кватэру і будзе сядзець перад экранам тэлевізара. Доўга- доўга. Можа нават засне на канапе. На экране тэлевізара будзе мітусіцца электронны снег… Мужчына не стане думаць пра жанчыну, калі прахопіцца. І пра снег не стане думаць.
Ён падумае пра цыгарэты і згадае, што забыўся падключыць мабільнік.
Падключыць, ці не падключыць? Ні першае, ні другое. Так напісаў Эміль Чаран пра незразумеласць чалавечага жыцця.
Ні першага, ні другога. За вакном снег.
**
|
|
| псеўданім 1 |
[13 Dec 2009|01:39pm] |
**
… Мацей Бурачок, Янка Купала, Якуб Колас, Змітрок Бядуля, Кузьма Чорны, , Кандрат Крапіва, Янка Маўр, Максім Танк, Алесь Звонак, Адам Глобус, Уладзімір Сцяпан…
А чаму далей пуста?
Больш і не магу прыгадаць значных псеўданімаў…)))
Кампутарныя нікі за літаратурныя псеўданімы лічыць не выпадае…
**
|
|
| пра жывапіс і музыку |
[12 Dec 2009|09:57pm] |
**
Ніколі не лічыў Чурлёніса вялікім мастаком.
А спробы спляшчыць музыку і жывапіс безнадзейныя.
**
|
|
| рукі ў кішэнях |
[12 Dec 2009|07:55pm] |
**
Ведаю -- рукой у пальчатцы не знайсці ў кішэні квіток.
А спрабую…
**
|
|
| вакно |
[12 Dec 2009|07:49pm] |
**
КУПАЛАЎСКІ СКВЕР 2.
**
|
|
| navigation |
| [ |
viewing |
| |
most recent entries |
] |
| [ |
go |
| |
earlier |
] |
|
|
|
|
![[info]](http://l-stat.livejournal.com/img/userinfo.gif){kind=small}
ul_sciapan's journal